| Photoshop ဖြင့် ဆိုဒ်ခေါင်းစီးပုံဖန်တီးခြင်း | for everyone |
နောက် ... ကျနော့်ကို မာတီအပြင်အဆင်နဲ့ပတ်သက်လို့ မေးလာကြတဲ့အထဲမှာ ခေါင်းစီးပုံ (Banner) ဘယ်လိုရေးသလဲဆိုတဲ့ မေးခွန်းကို ခဏခဏကြုံခဲ့ရပါတယ်။ ကြုံလာတိုင်းလည်း ပြောပြဖို့အတော်ခက်ရပါတယ်။ အကြောင်းကတော့ အဲဒီပုံတွေကို Photoshop နဲ့ပဲ ဖန်တီးလေ့ရှိတာမို့ပါ။ ဒါကြောင့် Photoshop အခြေခံမရှိသူများကို ပြောပြဖို့ ကျနော်မတတ်နိုင်ခဲ့ပါဘူး။
ဒါကြောင့် .. အခု မာတီအပြင်တွေထဲက Photoshop သုံးပြီးပြင်ဆင်ရမယ့် အပိုင်းတွေကိုရှင်းနိုင်ဖို့အတွက် Photoshop နဲ့ဆိုင်တာလေးတွေကို ကျနော်တတ်သလောက်လေး ရေးပါတော့မယ်။
ကျနော်ရေးတဲ့အခါ Adobe photoshop CS3 ကို အခြေခံပြီးရေးပါ့မယ်။ တကယ့်ဒီဇိုင်နာတွေလို Photoshop နည်းပညာအကြောင်းရေးမှာမဟုတ်ပဲ (အဲဒီလောက်အထိလည်းမရေးနိုင်ပါ) အခြေခံသာသာလောက်၊ မာတီမှာအသုံးပြုဖို့လောက်ကိုပဲ ကျနော်ရေးမှာပါ။
_______________________________________________________________
အခုကျနော်ပြောပြမယ့် အကြောင်းကတော့ ကျနော်တို့ မာတီမှာ Banner ပုံတစ်ခုကို PS ဖြင့် ဖန်တီးခြင်းပါပဲ။ ပေါ့ပေါ့ပါးပါးလေးက စပါမယ်ခင်ဗျာ...။
ကျနော်တို့ရလာမယ့် နောက်ဆုံးရလာဒ်ပုံကတော့ အောက်မှာပြထားသလိုလေးပေါ့ဗျာ။
ဒီလိုပုံရလာဖို့အတွက် တစ်ဆင့်ချင်းစပြီးဖန်တီးကြပါမယ်။ ကဲ .. ကျနော်နဲ့အတူလိုက်ပြီးလုပ်လိုက်ကြရအောင်ဗျာ ... နော်။
ပထမဆုံး adobe photoshop CS3 program ကိုဖွင့်ပါမယ်။ ဖွင့်ပြီးသွားရင် ကျနော်တို့ ဖန်တီးမယ့်ပုံအတွက် ပုံဆိုဒ်ကို စတင်ပြင်ဆင်ပါမယ်။ File > New ကိုဖွင့်ပါမယ်။
အဲဒီလိုဖွင့်လိုက်တဲ့အခါ ဖိုင်အသစ်ဖွင့်မယ့် Dialog Box ကျလာပါမယ်။
ကျလာတဲ့ Dialog Box ထဲမှာ Width 800, High 400, Resolution 300, Color Mode ကို RGB Color မှာ ထားလိုက်ပါမယ်ခင်ဗျာ။ နောက်ပြီး ကျနော်အ၀ါရောင်နဲ့ ပြထားတဲ့နေရာမှာလည်း pixels ပဲ ဖြစ်ရပါမယ်။ အားလုံးပြည့်စုံပြီဆိုရင်တော့ OK ကိုနှိပ်လိုက်ပါမယ်။ ဒါဆိုရင် ကျနော်တို့ ဖန်တီးမဲ့ပုံအတွက် နေရာလွတ်တစ်ခုရလာပါပြီ။
ဒီ့နောက်မှာတော့ ကျနော်ဒီပုံမှာသုံးမယ့် ပုဂံဘုရားပုံကို ဖွင့်ယူလိုက်ပါတယ်။ ဒီလိုလေးပေါ့ဗျာ ... File >> Open သို့မဟုတ် Ctrl + O နဲ့ပေါ့။ ဒီပုံက နဂိုကတည်းက ကျနော့်ကွန်ပျူတာရဲ့ Desktop မှာရှိနေတာလေ။ ကဲ လိုချင်တဲ့ပုံက Photoshop ထဲကို ရောက်လာပါပြီ။ ဒီအခါမှာ ကျနော်တို့ ပထမဖွင့်ခဲ့တဲ့ နေရာလွတ်အဖြူနဲ့ အခုဖွင့်လိုက်တဲ့ပုံ ကိုသီးခြားစီတွေ့နေရပါမယ်။ တကယ်လို့ သီးခြးစီတွေ့မနေခဲ့ရင် တစ်ခုက အခြားတစ်ခုကို ကွယ်နေလို့ပါ။ ပုံမှာ ပြထားတဲ့နေရာလေးကို နှိပ်လိုက်ရုံပေါ့။ ဒါဆိုရင် တစ်ခုစီမြင်ရပြီပေါ့။
ပြီးရင် ကျနော်တို့ဖွင့်ယူခဲ့တဲ့ပုံရှိတဲ့ Layer ကို Active ဖြစ်အောင်လုပ်ပါမယ်။ ဒီလိုလေးပါ... ညာဖက်ဘေးကို ကြည့်လိုက်တဲ့အခါ Layer panel ကိုတွေ့ရပါမယ်။ Layer 1 နဲ့ Background ဆိုပြီးနှစ်ခုတွေ့ရပါမယ်။ Layer 1 ပေါ်ကိုတည့်တည့်နှိပ်လိုက်တဲ့အခါ အဲဒီ Layer ကအပြာရောင်လေးဖြစ်သွားမှာပါ။ အဲဒါကို Layer Active ဖြစ်တယ်လို့ခေါ်ပါတယ်။
Layer 1 ... Active ဖြစ်ပြီးသွားရင် ကျနော်တို့သူ့ကိုရွှေ့ယူဖို့ Move tool ကိုယူပါမယ်။ သို့မဟုတ် ကီးဘုတ်ပေါ်က V ကိုနှိပ်လိုက်ပါမယ်။ ရွှေ့ယူလို့ရပါပြီ။ ပုံပေါ်ကိုတည့်တည့်နှိပ်ပြီး စာရွက်လွတ်ထဲ ဖိဆွဲထည့်လိုက်ပါ။ အခုလိုလေးတွေ့ရပြီပေါ့။
အဲဒီနောက် ...ပုံရှိရှိရာ Layer 1 က Active ဖြစ်နေတုန်းမှာပဲ ကီးဘုတ်ပေါ်က Ctrl + T ကိုနှိပ်ပါမယ်။ ဒီအခါမှာ ပုံရဲ့အနားပတ်ပတ်လည်မှာ guide line လေးပေါ်လာတာကိုတွေ့ရပါမယ်။ ပေါ်လာတဲ့ guide lind လေးပေါ်မှာ မောက်စ်ကိုတင်ပြီး မျှားပြထားတဲ့လမ်းကြောင်းအတိုင်းဆွဲချဲ့လိုက်ပါမယ်ခင်ဗျာ။ အောက်ကအဖြူသားအလွှာနဲ့ အံကျလေးပေါ့။ စိတ်တိုင်းကျပြီဆိုရင် Enter ခေါက်လိုက်ပါတော့။
ဒီလိုလေးဖြစ်သွားပါပြီ။
ပုံတစ်ပုံတော့ပြီးသွားပါပြီ။ ထပ်ပြီးတော့ ကျနော်တို့ရဲ့ ဆိုဒ်အမည်ကို ပုံပေါ်မှာတင်ရေးပါဦးမယ်ခင်ဗျာ။ ဒီအတွက် Type Tool ကို နှိပ်ပါမယ်။
ပြီးရင်စာရိုက်ဖို့အတွက် Font Name, Font size, Font color ရွေးပါမယ်။ အားလုံးစိတ်ကြိုက်ရွေးပြီးသွားပြီဆိုရင်တော့ ပုံရဲ့ဘယ်နေရာမှာမဆို ကလစ်နှိပ်ပြီး စာရေးနိုင်ပါပြီ။ စာရိုက်ပြီးတာနဲ့ Move tool ကိုပြန်ယူပြီး၊ သို့မဟုတ် ကီးဘုတ်ထဲက V ကိုနှိပ်ပြီး ရိုက်ထားခဲ့တဲ့စာကို လိုအပ်တဲ့နေရာ ဆွဲရွှေ့နိုင်ပါပြီ။ နမူနာအနေနဲ့ ပုံပေါ်မှာ ``မြန်မာ့မြေ´´ ဆိုတဲ့စာကိုရိုက်ပြီး နေရာချပြထားပါတယ်။
ဒီအဆင့်ကတော့
ပုံပေါ်မှာ စာပါသွားရုံ အဆင့်ပေါ့ခင်ဗျာ။ ထပ်ပြီး
နည်းနည်းလေးကြည့်ကောင်းအောင် ပြင်ဆင်ကြည့်ပါဦးမယ်။ စာရိုက်ထားတဲ့ Layer
ကို Active ဖြစ်အောင်နှိပ်လိုက်ပါ။ ပြီးရင်Layer ရဲ့ အပြာရောင်ထဲကို
နှစ်ချက်နှိပ်လိုက်ပါ။ Layer style dialog box ကျလာပါမယ်။ အဲဒီထဲက
တစ်ခုလောက်ကိုယူပြီး စာလုံးကို ပြင်ဆင်ကြည့်ကြရအောင်။
ကျနော်က အပေါ်ပုံမှာပြထားတဲ့အတိုင်း Stroke ကိုနှိပ်လိုက်ပါတယ်။ ပြီးရင် Structure အကွက်ထဲမှာ Size ကို 3, color ကို အ၀ါရောင်လေးရွေးလိုက်ပါတယ်။ နောက်... OK ကိုနှိပ်လိုက်ပါတယ်။ အခုအခါမှာ အပေါ်ဆုံးကပုံမှာမြင်ခဲ့ရတဲ့အတိုင်း ကျနော်တို့ရဲ့ မာတီမှာသုံးဖို့ Banner တစ်ခုကို ဖန်တီးပြီးပါပြီ။
ဖန်တီးပြီးတဲ့ပုံကို သိမ်းယူထားလိုက်ကြရအောင်။ ဒီလိုလေးဗျာ ... File >> Save as >> ကိုနှိပ်လိုက်ပါ။ Box တစ်ခုကျလာပါမယ်။ ကျလာတဲ့ Boxထဲမှာ File name ကမိမိနှစ်သက်ရာနာမည်ပေး(ကျနော်ကတော့ My Banner လို့ပေးလိုက်ပါတယ်) Format မှာ JPEG ကိုရွေးပြီး Desktop ပေါ်မှာပဲ Save နှိပ်ပြီးသိမ်းလိုက်ပါတယ်။
အခုဆိုရင် ကျနော်တို့ဟာ မိမိကိုယ်တိုင်ဖန်တီးထားတဲ့ပုံနဲ့ မာတီရဲ့ ဆိုဒ်ခေါင်းစီးကို တပ်လို့ရနေပါပြီ။ ဒီနောက်ပိုင်းကတော့ CSS အပိုင်းဖြစ်လာပါပြီ။ မာတီစာမျက်နှာပေါ် ဘယ်လိုရောက်အောင်တပ်မလဲဆိုတာကို ကျနော်ထပ်ရေးပါ့မယ်။
_____________________________________________________
ဘာရယ်တော့မဟုတ်ဘူးပေါ့ဗျာ။ သိထားသလောက်လေးကို ပြန်ပြီးမျှဝေရုံလေးပါ။ အဆင်မပြေတာတစ်ခုခုရှိခဲ့ရင်လည်း ကျနော့်အားနည်းချက်ပါ။
အားလုံးအဆင်ပြေချမ်းမြေ့ကြပါစေ
ကိုကြည်နိုင်
No comments:
Post a Comment